【暗藏污垢】清潔洗衣機機槽驚見嗱喳污水　港媽嚇親：我個身好痕

洗衣機隱藏看不見的千年污垢，一名港媽日前在網上發帖，稱用洗衣機槽清潔劑清潔洗衣機，結果洗出嗱喳污水，赫然發現洗衣機原來是如此污糟，她不禁直言，「諗起平時洗衫同呢啲嘢一齊，我個身好痕！」

一名港媽日前在facebook群組「淘寶開心share」發帖，稱自己以每盒34元人民幣的價格買來4盒「洗衣機槽清潔劑」，每盒3包，豈料用了3包後，數小時後，洗衣機槽驚見嗱喳污水，她頓時被嚇壞，

我個洗衣機點解會咁恐怖㗎，一次過買左4盒，送咗2個網，第1次洗，落左3包，我用熱水洗咗陣，依家浸佢5粒鐘，唔知過水嗰下會點，諗起平時洗衫同呢啲嘢一齊，我個身好痕。

▲ 洗衣機底驚現污水，甚狀恐怖。（相片來源：facebook群組「淘寶開心share」）

該名港媽之後有更新稱，「撈左兩次D污糟野後去水，無塞渠！」

帖文一出引起網民熱議，大批網民高呼恐怖；有網民詢問應如何清洗洗衣機；有網民擔憂衣服經過洗衣機清洗，穿上身後會痕癢。

之前一名林小姐用清潔劑大洗使用逾8年的洗衣機，結果打開洗衣機，出現滿佈噴屎式污垢的噁心場面，

真的起出了污垢，噴到周圍都係，好似噴屎或噴射式嘔吐物咁... ...唔洗都唔知！

▲ 林小姐的洗衣機大清洗後，揭開上蓋滿佈噴屎式污垢。(林小姐提供圖片)

洗衣機雪櫃維修專家、盈豐維修工程有限公司董事劉敬康早前接受TOPick訪問時，示範拆開一部從未清洗的洗衣機，洗衣機滾筒內部「立立令」，但拆出來外殼佈滿密麻麻的污垢，用手可刮出幾層滑潺潺的污漬，狀甚核突。

至於另一部有定期用梳打粉清潔的洗衣機，拆出來可見滾筒外殼也有污垢，污垢較疏落，潺也明顯較薄和少，亦纏滿黑麻麻的衣服纖維。

劉敬康解釋，洗衣機的滾筒分內缸和外缸，內缸透過快速轉動與衣物接觸，如同用手搓洗、揉及拍打等動作清潔衣物；外缸則不會轉動，但內缸轉動時，部份洗衣水會流到兩者之間的防水圈。

他說，當清洗程序完成，污水會排出機外，但污水內的髒物被困在防水圈內，日積月累下便形成污垢，他提醒：

洗衣機外缸的污糟水，其實和滾筒內洗衫的水是同一缸水。

劉敬康解釋，日常洗衫只是用洗衣粉，污垢殘留在滾筒外層不會被洗出來，惟一旦用上較強力的清潔劑，污垢便會被清出來。他建議抹走污物後，再空機用熱水洗清污垢，劉提醒，洗衣機清潔劑較強力，有可能損壞去水喉和部分零件，甚至見過導致漏水，所以即使發現洗衣機藏污，也不建議連續使用清潔劑。

他指，梳打粉是天然清潔劑，但潔力也較弱，估計只可清除洗衣機3成污物；清潔劑則可清除4至5成污物，

可以3個月用一次清潔劑，平時就每月用1次梳打粉。

DIY清潔洗衣機一般是用梳打粉或洗衣機專用清潔劑，劉敬康有以下使用貼士：

每次清潔洗衣機用半磅梳打粉，以常見454克紙盒裝梳打粉為例，即每次用半盒，直接倒入滾筒，正常開機洗一次。